වාස්තු දෝෂ සහ මළබද්දය

මොනරවාහිනියේ තවත් උදෑසන වැඩසටහනකි.
වාස්තු ඩයල් එකක් සහ ලොව සිටින අග්‍රගන්‍ය විද්‍යාඥකුගෙන් මෙන් ඔහුගෙන් ගරු ඝාම්භිරව ප්‍රශ්න අසන මාධ්‍ය ඩබලකි.
දුරකතනයෙන් අමතා වස්තු ඩයල් එකෙන් ප්‍රශ්න අසන  කාන්තා ප්‍රේක්ෂක රැසකි.  (සතියේ දින උදෑසනක් බැවින් බොහෝ පිරිමි රැකියාවේය, මම පිරිමියා ලෙඩ නිවාඩු පිට ගෙදර ය )

අපේ ගෑනුන්ට තියෙන ප්‍රශ්න සහ සංවාදය සංශිප්තව

ගෑනි  : ළමයා ඉගෙනීමට දුර්වලයි. පාඩම් කරද්දි නින්ද යනව. බ්ලා බ්ලා ...
වාස්තු ඩයල් එක ගැටලුව අධ්‍යනය කිරීම : ගෙදර කොයි පැත්තෙද ලැට් එක තියෙන්නෙ ? කුරුපාව ප්‍රධාන උළුවස්ස හි පිහිටීම.  බ්ලා බ්ලා ...
වාස්තු ඩයල් එකේ ප්‍රතිකර්මය  : බෝධි පූජා පැවැත්වීම, ගෙදර ප්‍රධාන දොරේ දිශාව වෙනස් කිරීම. බ්ලා බ්ලා ... 

ගෑනි  : බාගෙට හදාගෙන අලුත් ගෙදරට ආවට පස්සෙ ගෙදර සම්පුර්ණ කරගන්න එක ගඩොලක්වත් බැඳ ගන්න බැරි උනා. බ්ලා බ්ලා ... 
වාස්තු ඩයල් එක ගැටලුව අධ්‍යනය :  ගෙදර දිග පළල , ගෘහ මුලිකයාගේ ලග්නය. . ගේ හදන්න පටන් ගත්තු දවස.. බ්ලා බ්ලා ... 
වාස්තු ඩයල් එකේ ප්‍රතිකර්මය  : ඉස්සරහ ගානටම ගෙදර පිටිපස්සේ පළලත් වැඩි කිරීම. බ්ලා බ්ලා ... 

ගෑනි  : ළමයා නිතර අසනීප වෙනවා. . බ්ලා බ්ලා ...
වාස්තු ඩයල් එක රෝග නිර්ණය කිරීම : ප්‍රධාන දොරටුවේ දිශාව , නිවසේ කාමර ගණන , නිවාස ඉදිරිපිට ජල මුලාශ්‍ර පවතීද . බ්ලා බ්ලා ... 
වාස්තු ඩයල් එකේ ප්‍රතිකාරය  :  නිවසේ ඇති ඩබල් හයිට් බිත්තිය නැති කිරීම. බ්ලා බ්ලා ... 

රෙස්ට් ඔෆ් ද ස්ටෆ් : බ්ලා බ්ලා ...  බ්ලා බ්ලා ...  බ්ලා බ්ලා ...  බ්ලා බ්ලා ...  බ්ලා බ්ලා ... 

ඉතිං රටකට හරියයි ද ඕයි. මේ තරමින් වත් මේ රට තියෙන එක ගැන සන්තෝස වෙනවල ... රෙද්ද , සරම

ඔලු කන ජෝතිෂ්‍ය


ජෝතිෂ්‍ය සම්බන්ද කථාවකදී මාහට සමබරව කතා කල නොහැක. මන්ද මම ජෝතිෂ්‍ය මාතෘකාවේදී  අන්තවාදී ලෙස  ඊට විරුද්ධ අයෙකි. ඒ මම විෂය නිසි අධ්‍යනයක් කර ලද ගුජුප්සාවක් නොව මා අවට සිටින්නන්, නෑදෑ හිතවතුන් කෙතරම් මෙම විෂය නිසා විඳවනවාදැයි දැකීම තුලින් හටගත්තකි.

ධන සම්පත් , උගත්කම , රුසපුව ඇති මිතුරු/මිතුරියන් කීපදෙනෙකු වයස 40 ආසන්න වනතුරුත් තවම තනිකඩව සිටිනුයේ තවමත් ගැලපෙන සහකරුවා/ සහකාරිය හමු නොවීම නිසාය.අදහස් ගැලපෙන , සමාජ තත්වය ගැලපෙන ආකර්ශනීය යෝජනා කීපයක්  ඔවුන්ට හමුවී තිබුනත් එම සහකරුවා උපන් වේලාවේ සෞරග්‍රහ මණ්ඩලයේ පාවෙන පස්බෝල වල පිහිටීමෙහි යම් පරහක් වීම නිසා ඒවා අතහැර දැමුනි.

පාන්දර සිට මේකප් දැමූ මනාලිය , ගෙදරින් එලියට බසින නැකත ලැබීම නිසා ,දාඩිය පෙරමින් එලියට වී සිටී. පෝරුවේ නැකතට තව බොහෝ කාලයක්  ඇත.

සියලු පොරොන්දම් ගලපා, සුබ නැකතට විවාහවූ සහෝදරියක්, සතියකට කලින් දික්කසාද නඩුවක් ගොනුකලේ සැමියා නිතර ඇයට පහරදීම නිසාය.

රෝගීවූ සැමියාගේ මව එම අසරණ බිරිඳ තවත් මානසිකව පීඩාවට පත්කලේ ඇය උපදිනවිට සෞරග්‍රහ මණ්ඩලයේ පිහිටීම , තම පුතාගේ රෝගයට හේතුවූ බව පවසමිනි.

උපදින දරුවා සුබ නැකතක් බලා සිසේරියන් සැත්කමකින් එලියට ඇදිම දක්වා ප්‍රශ්නය උඩුදුවා ඇත.

ලංකාවේ මිනිසුන් ජෝතිෂ්‍ය හඹායන තරමට , මෙහි වැරදුනු කෙනෙකු සිටිය නොහැක; මන්ද අපේ උදවිය වැඩක් කරද්දී වෙන රටවල අය මෙන් නොව , එම අවස්ථාවේ සෞරග්‍රහ මණ්ඩලයේ ග්‍රහලෝක වල පිහිටීමද සැලකිල්ලට ගෙන කටයුතු කිරීම නිසාය.






ලැබුණු දේ ඇති ද ?

ඔබ ඔබගේ ජීවිතය ගැන අතෘප්තිමත්ව පසුවන විට , ඔබේ වන් ජීවිතයක් ලබන්නට සිහින දකින්නන් දහස් ගණනක් මෙලොව වාසය කරයි ...

ගොවිපලක දරුවෙකු ඉහලින් යන ගුවන්යානය දෙසබලා එහි ගමන් කිරීමට සුසුම්ලනවිට , ගුවන්යානයේ නියමුවා නිල්වන් ගොවිපල දෙස බලා තම පවුල සමග නිවසේ ගතකරන ජීවිතය සිහිකරමින් විකශෝප වෙයි...

එයයි ජීවිතය.. රසවිඳින්න....

ධනවත් වීම සතුටේ රහස නම්, සියලු ධනවතුන් පාරේ නට නටා විනෝද වෙවී, නමුත් එසේ කරන්නේ වීදි දරුවන් පමණි...

 බලය සතුවීම බලවතාගේ ආරක්ෂාව තහවුරු කරයිනම්, ඔවුන් ආරක්ෂකයින් නොමැතිව ගමන් බිමන් යා යුතුය. නමුන් සරලව ජීවත් වන්නන් බලවතුන්ට වඩා සුවදායී නින්දකට හිමිකම් කියයි.

ලස්සන හා ජනප්‍රියත්වය ශක්තිමත් සබඳතා ගොඩනගයි නම්, සියලු නළු-නිළියන් හොඳම පවුල් ජීවිත ගතකරන්නන් විය යුතුය..

සරලව ජිවත් වන්න, නිහතමානීව ප්‍රේමයෙන් සිටින්න. ත්‍යාගශීලි වන්න ..
ඔබගේ යහපත ඔබකරාම පැමිනෙනු ඇත.



පරිවර්තනයකි. උපුටාගැනීම : https://www.facebook.com/photo.php?fbid=10154118697432971&set=a.10150267670577971.326142.689502970&type=3

හඳහාමී ~ නන්දා මාලිනී

පියෙක් වී මාසයක් ගතව ඇත.
ඉතින් බොහෝ පියවරුන් මෙන් මමද මා ළමා කල ලද සොඳුරු දේ වලින් කුමක් මගේ දරුවාට ලබාදිය හැකිදැයි සිතන්නට විය.

නන්දාමාලිනිය ගායනාකල ළමා ගී ඇතුලත් එම ගීත එකතුව කෙසේ අමතක කරන්නද...
පැයකට ආසන්න කාලයක් ගූගල් දෙවියන් වන්දනාවෙන් පසුව මා සෙවූ ඒ අපූරු ගීත එකතුව මට හමුවිය.

1986 දී පටිගත කල හඳහාමී කැසට් පටය.

ඉතා මියුරු ගීත එකතුවක් වන මෙහිදී සෑම ගීයකටම කෙටි පූර්විකාවක් නන්දාමාලිනිය එක්කරයි.






ගීත එකතුව මිලදී ගැනීමට අවශ්‍ය නම් පහත කප්රුක සබැඳියෙන් ලබාගත හැක

http://www.kapruka.com/shops/musicStore/MP3_Sinhala_Preview.jsp?id=cd0000238&co=search&sc=4&artistName=dh&searchText=Nanda&so=


යූ ටියුබ් හි සවන්දීමට ද හැකියාව පවතී




නමුත් මට අවශ්‍ය වූ MP3 ගොනුවක් සොයාගත නොහැකි වූ නිසා යූ ටියුබ් එකෙන්  MP3 ලෙස උකහා ගැනීමට සිදුවිය.

එය මෙම ස්ථානයේ උඩුගත කලේ අවශ්‍ය අයෙකුට ලබාගැනීම සඳහා ය.




රාළහාමි

ඒක නෙමෙයි,
රාළහාමි යාලුවෙලා හිටියලු බං සාපිංගෙ පවුල එක්ක,
සාපිංගෙ පවුල සපිරිනා,
සැලෝලයිට් වලලු දෑත පුරා දමන්නා,
බොඩිය පෙනෙන තුනී හැට්ට අඳින්නා,
උකුල සලා සිනා සිසී,
එහෙ මෙහෙ කිසි-බිසි ගා යන්නා,
"නැත්තං ඕකිට කොයින්ද ඔය හැටි ආයිත්තං ?"
වෛවාරන්න වලලු මාල,
අරුංගල් කරාබු,
පේන්නෑ යන එනකොට,
එක එක මෝස්තරේ ඇඳුං ඇඳල,
ගස්ස ගස්ස පස්ස,
විළිලැජ්ජා නැතිකම බං,
මුදලි කමට වඩා ලොකුලු.
චික් විතරක්.
ඔය කිව්වට කොයි ගෑණිද කැමති නැත්තෙ රාළහාමිට,
වාත්තුකල නැහැය, දෙතොල.
නියම හොඳ කඩවසම් පුරුෂයා.

උපුටාගැනීම : "රාජතිලක ලයනල් සහ ප්‍රියන්ත" ~ මහගම සේකර.

http://www.mahagamasekera.org/