දෙවියන් විශ්වාස කිරීම හා ඔටුවා බැඳ තැබීම

සාර්ථක වෙලඳාමකට පස්සෙ තමුංගෙ ඔටුවත් එක්ක ගෙදර යමින් හිටපු මනුස්සයෙක්, පල්ලිය ලඟින් යද්දි හිතුවලු අද දවසේ සාර්ථකත්වය වෙනුවෙන් මම දෙවියන්ට ස්තූති කරල යන්න ඕනෙ කියල. ඉතින් මිනිහ ඔටුවව එලියෙන් තියල පල්ලියට ගිහිල්ල දෙවියන් වහන්සේට ස්තූති කලාලු තමුන්ට දීපු සියලු දේ වෙනුවෙන්, පොරොන්දු වුනාලු මින් පස්සෙ යහපත් මනුස්සයෙක් විදිහට ජීවත් වෙනව කියල, දුප්පතුන්ට උදව් කරනව කියල.
	ඉතින් මෙහෙම යාච්ඤා කරල පහන් සිතින් මිනිහ පල්ලියෙන් එලියට ආවලු. එලියට ආවහම ඔටුව නෑලු. මිනිහට දැන් එකසිය ගාන්ට තද වුනාලු මිනිහ බොහොම කේන්තියෙන්, බලාපොරොත්තු කඩවුන විදිහට කෑගහල කිව්වලු            "  දෙවියනී .. මම මගේ සම්පූර්න විශ්වාසය ඔබකෙරෙහි තියල ජීවත් වෙද්දිත්.. ඇයි ඔබවහන්සේ මට මෙහෙම කලේ.."    කියල.
මෙතනින් ගිය තවත් මිනිහෙක් මේ දේ දැක්කලු. ඒ මනුස්සය අර වෙළෙන්ද ලඟට ඇවිත් කිව්වලු                    "  සහෝදරය.. දෙවියන් විශ්වාස කරන්න. ඒත් ඔටුවව ගැටගහල යන්න ඔබ දැනගන්න ඕනෙ.. "   කියල.